Dhimbje koke për Panuccin, mungon lojtari më i mirë në dy sfidat e radhës

Eros Grezda ka zhvilluar një sezon fantastik këtë vit tek ekipi i Osijek, ai ka qenë një titullarë i padiskutueshëm dhe me golat e tij ka rezultuar deçiziv në disa ndeshje. Por duket se fati nuk ka qenë me sulmuesin e kombëtares shqiptare, i cili është i përndjekur nga dëmtimet dhe e ka mbyllur sezonin tashmë. “Kisha probleme fizike para sfidës me Norvegjisë por nuk i ndjeva gjatë ndeshjes. Pas përfundimit të takimit kisha probleme të mëdha dhe ndodhi ajo që kisha frikë, mungova për një kohë të gjatë.” -këto ishin fjalët e Eros Grezda-s pak ditë më parë në një intervistë për mediat.Dëmtimi mesa duket e ka shqetësuar sërish 23-vjeçarin nga Gjakova, që do të detyrohet të qëndrojë dhe dy javë të tjera jashtë fushave të lojës duke humbur kështu dhe grumbullimin kuqezi. Një lajm jo i mirë ky për trajnerin Panucci që shpresonte të kishte shërbimet e tij për miqësoret me Kosovën dhe Ukrainën. “Kisha probleme me ligamentet në kavilje dhe rikuperimi shkoi 40 ditë. Isha në formë të mirë por kam humbur pak fuqitë. Do vazhdoj të luaj nga pak minuta deri sa të arrij formën që kisha para dëmtimit.” – shtoi futbollisti i kombëtares shqiptare.