Dhimbja e kokës, llojet dhe disa zgjidhja pa ilaçe

Dhimbja e kokës mund të shoqërohet me dehidratim, lodhje e simptoma të tjera dhe njerëzit mund të mendojnë se thjesht e kanë nga lodhja, por këto të fundit mund të paralajmërojnë dhe praninë e një sëmundjeje.  Ekzistojnë katër lloje kryesore të dhimbjes së kokës dhe secila prej tyre mund të thotë diçka për shëndetin, por e rëndësishme është të dalloni dhimbjet nga njëra- tjetrën.

  1. Dhimbje koke shkaktuar nga tensioni i kokës

Një dhimbje koke tensioni është lloji më i zakonshëm i dhimbjes së kokës. Ajo ndjehet si një dhimbje e vazhdueshme ose presion rreth kokës, sidomos pas kokës dhe qafës. Ekspertët besojnë se kjo lloj dhimbje koke mund të shkaktohet nga tkurrja e qafës dhe muskujt, e cila mund të jetë një përgjigje ndaj stresit.

  1. Migrenë

Migrena prek rreth 38 milionë burra, gra dhe fëmijë vetëm në Shtetet e Bashkuara të Amerikës. Migrena është më shumë se vetëm një dhimbje koke dhe shoqërohet me të vjella, marramendje, ndjeshmëri ekstreme ndaj dritave dhe erës.

  1. Dhimbja te zona e syve

Kjo dhimbje zakonisht prek zonën e syve dhe prek më shumë meshkujt sesa femrat. Shkaku është i panjohur, por kjo lloj dhimbje koke ndodh kur një rrugë nervore me bazë në tru është aktivizuar.

  1. Dhembja e sinuseve

Dhimbja e kokës nga sinuset e bllokuara apo të infektuara shoqërohet me ethe dhe presion rreth syve, ballit dhe mollëzave

Po si ta largojmë dhimbjen e kokës pa përdorur ilaçe?

Kur ilaçet nuk japin efekt për dhimbjen e kokës atëherë duket sikur situata nuk ka shpresë. Por a ka zgjidhje? Masazhet shihen në fakt si një zgjidhje alternative me më pak efekte anësore. P.sh, “acupressure” është një lloj masazhi, efekti i të cilës është konfirmuar edhe nga studime të shumta shkencore. Por para se ta aplikoni metodën “acupressure” ju duhet t’i dini këto gjëra:

Së pari, uluni në një pozitë të rehatshme dhe relaksohuni. Masazhi nuk merr më shumë kohë se sa 30 sekonda deri në një 1 minutë mesatarisht. Gjatë masazhit bëni lëvizje të lehta ose të ngutshme ose rrethore. Zakonisht, dhimbja e kokës largohet pas 5-10 minutave pas masazhit, shkruante “Health” në një shkrim kushtuar llojeve tllojeve të dhembjes së kokës.   Në fakt ka gjashtë pika kryesore për të hequr qafe dhimbjen e kokës pa ilaçe:

Lexo edhe :   Dhimbja e kokës, a mund ta parandalojmë me ushqime

Pika e syrit të tretë, ose metoda e quajtur Yintang, vendoset në mes të vetullave në vendin e hundës dhe kalon në ballë. Kjo pikë është gjithashtu përgjegjëse për largimin e lodhjes edhe të syve.  Më pas janë pikat simetrike që duhet të vendosen në pikat anash buzëve, duke prekur deri tek vetullat. Masazhi i kësaj zone përmirëson mprehtësinë vizuale. Masazhi duhet të aplikohet me lëvizje të ngutshme ose rrethore. Pika e tretë janë pikat që janë të vendosura në të dy anët e hundëve në përputhje më sy. Kjo metodë ndihmon për të hapur sinusët, për të zvogëluar dhimbjen e kokës, dhimbjen e dhëmbit dhe lehtëson stresin. Pikat e katërt janë pika të vendosura në pjesën e prapmë të kokës në mes, në mes të veshit dhe në fillim të shtyllës kurrizore. Fërkoni këto pika kështu do të ju ndihmojnë në lehtësimin e kongjestionit të hundës, dhimbjes në sytë dhe veshë, dhimbjen e kokës dhe migrenën. Gjithashtu janë edhe pikat Shuani Gu  që janë të vendosura 2-3 cm nga fillimi i flokëve. Presioni i aplikuar në këtë zonë heq dhimbjen e përkohshme në si dhe lodhjen e syve, si dhe pikat simetrike që janë te vendosura në pjesën e prapme të dorës në mes të gishtit të madh dhe gishtit tregues. Presioni i aplikuar në këtë pjesë ndihmon në heqjen e dhimbjes prapa, dhimbjen e dhëmbit, dhe tensioni në muskujt e qafës.