Një dhi ka lindur me veshë të gjata. Dhia Simba, që do të thotë luan në suahilisht, ka lindur në Karaçi të Pakistanit vetëm disa ditë më parë, por tashmë është bërë një personazh i famshëm vendas.
Dhia e adhurueshme besohet të jetë rreth dy javësh, dhe veshët e tij janë aq të gjatë sa tërhiqen në dysheme ndërsa ai ecën.
Pronari i Simba, Muhammad Hassan Narejo ka thënë: “Shpresojmë se së shpejti Simba do të jetë mbajtës i rekordeve botërore Guinness”.
Ai lindi në një fermë dhish në qytetin më të madh të Pakistanit të quajtur Nagra Farm. Bujqësia e dhive është një biznes shumë i zakonshëm në Pakistan – pjesërisht sepse ato janë të përshtatshme për terrene të ndryshme. Aktualisht nuk ka asnjë dhi që mban rekordin botëror të Guinness për veshët më të gjatë.
Veshët e gjatë të Simba-s janë ndoshta rezultat i një mutacioni gjenetik ose një çrregullimi gjenetik – por duket se ai po kalon mirë. Dhitë në përgjithësi priren të kenë veshë të gjatë, por dhitë nubiane, që thuhet se është raca e Simba-s, kanë veshët më të gjatë nga të gjitha speciet. Veshët e dhisë shërbejnë për një qëllim shumë të rëndësishëm, pasi ndihmojnë në mbajtjen e tyre të freskët në temperatura të nxehta. Në Pakistan temperaturat ndryshojnë për shkak të terrenit të ndryshëm, por në verë temperaturat maksimale mund të arrijnë 47 C.
Burimi i lajmit: dailymail. Përshtatur nga Tirana Today
