Kreu i shtetit, Ilir Meta ka reaguar pas ndarjes së parakohshme nga jeta të ikonës së valles shqiptare, Rexhep Çelikut.
Ky i fundit u nderua nga presidenti me çmimin “Nderi i Kombit”, ndërsa vetëm 4 ditë më pas, ndërroi jetë nga një sëmundje.
Mesazhi i Metes
Me dhimbje të thellë mësova lajmin drithërues të ndarjes së parakohshme nga jeta të Rexhep Çelikut, emblemës së valles dhe traditës sonë kulturore, mjeshtrit të madh të skenës së Ansamblit tonë Shtetëror, të papërsëritëshmit të kërcimit tonë popullor, njeriut fisnik e atdhetar, frymëzimit të spikatur të brezave të artistëve të rinj.
I shpreh ngushëllimet më të sinqerta familjes, njerëzve të tij të dashur e kolegëve për këtë humbje të madhe e të pazëvendësueshme.
