Në aksin rrugor Bilisht-Korçë ka ndodhur një aksident i rëndë. Dy persona janë aksidentuar rëndë teksa lëviznin me motor. Ngjarja ka ndodhur rreth orës 15:00 pranë fshatit Progër, kur motori u përplas nga një makinë tip “Benz” me targë AA501HV, me drejtues shtetasin P.G rreth 55 vjeç, banues në Bilisht.
Policia informon se të dy personat ende të paidentifikuar kanë gjetur vdekjen gjatë transportimit për ndihmë mjekësore në Spitalin Rajonal të Korçës.
Policia e mbërritur në vendngjarje ka nisur hetimet për zbardhjen e plotë të shkaqeve dhe rrethanave të aksidentit, si dhe ka shoqëruar drejtuesin e “Benz-it”.
