Zbardhen detaje të tjera lidhur me sherrin që ndodhi sot në shkollën “Eqerem Çabej”, ku u plagos me thikë një vajzë. Mësohet se fillimisht dy nxënës janë konfliktuar në orën e Informatikës, e më pas gjatë pushimit të madh, njëri prej tyre ka nxjerrë thikën, për të plagosur tjetrin.
Autori ka qëlluar aksidentalisht shoqen e klasës në ballë, e cila ka ndërhyrë për t’i ndarë ata. Mësohet se nxënësit e klasës së 10-të, Xhejms Gjura dhe Franko Rrapi janë pezulluar nga shkolla.
Fillimisht sherri mes tyre ka nisur me të shara e me ofendime, ndërsa më pas ata janë përplasur fizikisht gjatë pushimit të madh, ku ka ndërhyrë mësuesja dhe nxënësja J.S., e cila u plagos lehtë. Kjo e fundit mori mjekim dhe është jashtë rrezikut.
