Detaje të reja zbulohen lidhur me operacionin e zhvilluar mbrëmë në portin e Durrësit, ku u kap një sasi rekord kokaine.
Burime të Panorama thonë se sasia e kapur e kokainës është plot 526 kg, sasia më e madhe e kokainës e kapur ndonjëherë në vendin tonë.
Droga ishte fshehur në një kamion, i cili do nisej drejt Italisë, ndërsa kishte mbërritur nga Kolumbia dhe kishte destinacion Evropën.
Mes të tjerash bëhet e ditur se sinjalizimi për këtë ngarkesë erdhi nga vendet partnere, si Spanja, Gjermania dhe Holanda, ndërsa operacioni u finalizua nga Krimet e Rënda.
Ndërkohë, Policia e Shtetit nuk ka ende një njoftim zyrtar për operacionin në fjalë. Droga u gjet gjatë një kontrolli rutinë, ndërsa shoferi i kamionit ka deklaruar se nuk kishte dijeni për të. Policia ka shoqëruar disa persona të dyshuar si të përfshirë në trafikimin e drogës.
