Sikundër u tha edhe më herët, se 35-vjeçari Kostandin Kaçifa kishte bashkëpunuar edhe me të tjerë, këtë tezë e ka përforcuar edhe më tepër gazetari Vasil Kalidha. Në një intervistë ekskluzive për emisionin “360 Gradë”, ai është shprehur se Kostandin Kaçifa ishte ngarkuar për të shpalosur një flamur të madh grek në Bularat.
“Prefekti i Gjirokastrës ka ardhur para disa ditësh në Bashkinë e Dropullit. Dhe ka komunikuar një urdhër: Të zbritet flamuri që është në majë të malit. Këtë komunikim prefekti ua la me shkrim titullarëve të Bashkisë, të cilët me sa zëra qarkullojnë komunikuan me fshatin Bularat. Dhe sipas zërave, këta të dy që përmenda nga Bularati, morën përsipër që të lërë flamurin lart se nuk bëhet gjë.
Kjo bie ndesh me gjërat që thuhen. Nëse është dhënë një urdhër dhe nuk është zbatuar, atëherë të gjenden përgjegjësit pse nuk u zbatuan. Pse të vritet një njeri, përderisa nuk kishte lidhje të hipte dhe të zbriste flamurin?
I ndjeri Kaçifa është viktimë e këtyre njerëzve që morën përsipër të mos ulin flamurin. Thanë lëreni flamurin atje. Vrasin një njeri për një flamur, që as nuk u shpalos dhe as u palos. Janë të njëjtët persona që organizojnë mitingje që nga Himara, që kur u dënuan pesë himariotë për flamurin grek që u ngrit atje njëherë.
Personi që nxiti ata për të ngritur flamurin në Himarë, nuk është dënuar as nga Greqia dhe as nga Shqipëria. Hyn dhe del në Shqipëri, ka marrëdhënie publike dhe civile dhe në festa zyrtare, zë dhe karriget e para dhe me përfaqësues shqiptar. Babi Karafalus, ka qenë kandidat për deputet me partinë e Lausit të Karat Xhaferit.
Pas Laosit ka ikur kandidat për deputet në Demokracinë e Re. Edhe nesër kur të bëhet varrimi, duhet të jemi të qetë. Pjesmarrje le të ketë. Në Athinë bëhet një organizim që të ketë shumë njerëz”.
