Detaje të reja janë hedhur në dritë sa i takon shpërthimit të një granate, në orët e para të ditës në Elbasan. Nga shpërthimi mbeti i plagosur pronari i biznesit. Ai u dërgua në spital në gjendje kritike për jetën, dhe mësohet se i është nënshtruar një ndërhyrje kirurgjikale që ka zgjatur 4 orë. Ngjarja është shënuar në lagjen “Partizani”, dhe sipas policisë, i plagosur ka mbetur 32-vjeçari Albert Alterziu, i cili ndodhej në lokalin e tij “Binjaket” në ato momente.
Informacioni paraprak
Në orët e para të mëngjesit në lagjen “Partizani”, Elbasan, në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit shtetasi A.A., rreth 32-vjeç, i cili ndodhej në lokal në ato momente.
I dëmtuari është transportuar në Spitalin e Elbasanit, në gjendje të rëndë.
Grupi hetimor ndodhet në vendngjarje dhe po punon për zbardhjen e rrethanave të ngjarjes, si dhe identifikimin e kapjen e autorit/ve.
https://tiranatoday.com/skane-te-ndalur-eliminimet-pas-shkodres-radhen-e-ka-elbasani/
