Një nga të plagosurit në zonën e Selitës nuk është i panjohur për policinë. Mësohet se 27-vjeçari Gjon Pelivani është përfshirë edhe më herët në konflikte, e konkretisht me një emër tjetër mjaft të njohur për publikun, me Emiljano Shullazin.
Pelivani ka pasur një konflikt me Shullazin në vitin 2015, ndërsa ka mbetur i plagosur nga Gilmando Dani.
Mësohet se Gjon Pelivani më parë ka mbajtur emrin Valment dhe rezulton i dënuar për vjedhje.
Konflikti mes 3 personave ka nisur brenda në një lokal dhe ka vijuar edhe jashtë lokalit, ku më pas kanë nxjerrë armët. Dyshohet se autori i plagosjes është djali i pronarit të lokalit me inicialet Arti Musai dhe policia po punon për kapjen e tij. Nga të shtënat me armë kanë mbetur të plagosur në këmbë Gjon Pelivani 27 vjec dhe R. H. 31 vjec, ky i fundit dyshohet se është plagosur aksidentalisht.
Paraprakisht mësohet se të plagosurit ndodhen jashtë rrezikut për jetën dhe njëri prej tyre është transportuar në Spitalin Ushtarak.
Forca të shumta të policisë kanë mbërritur në vendngjarje dhe kanë nisur hetimet për zbardhjen e plotë të shkaqeve dhe motiveve të ngjarjes.
