Pasditen e sotme një aksident u shënua në autostradën Lezhë-Tiranë, në vendin e quajtur “Mbikalimi i Patokut”, e ku për pasojë pesë persona mbetën të plagosur.
Mjeti me drejtues shtetasin me inicialet E.P., 28-vjeç, është përplasur me mjetin me drejtuese shtetasen A.I., 30-vjeçe. Në mjetin me drejtues 28-vjeçarin ndodheshin si pasagjerë shtetasit F.N., 32-vjeç, A.H., 34-vjeç dhe M.N., 27-vjeç.
Si pasojë e përplasjes, pasagjerët dhe drejtuesit e mjeteve kanë marrë dëmtime, dhe janë transportuar në spitalin e Traumës në Tiranë, ku ndodhen nën kujdesin e bluzave të bardha.
Grupi hetimor aktualisht vijon veprimet në vendngjarje, për sqarimin e rrethanave të aksidentit.
