Shqiptari Martin Shkreli është arrestuar pasi kërcënoi Hillary Clinton. Shkreli, ish-drejtor i një kompanie farmaceutike në SHBA, ofroi në rrjetet sociale 5 mijë dollarë nëse dikush do i shkulte flokët Clintonit.
Të mërkurën, gjyqtari dha masën “arrest me burg”për Shkrelin, duke e konsideruar si një person “të rrezikshëm për shoqërinë”.
Ndërkohë, teksa kanë dalë para trupit gjykues, avokatët e Shkrelit kanë thënë se shkrimi i tij në Facebook ishte satirë politike.
“Sado të papërshtatshme mund të kenë qenë disa nga postimet e Shkrelit, ai nuk është një person i rrezikshëm për shoqërinë”, ka thënë avokati Benjamin Brafman.
Mediat e huaja duket se mezi kanë pritur arrestimin e Shkrelit, teksa e kanë dhënë lajmin me tituj si: “Më në fund Martin Shkreli do të burgoset!”.
Shkreli njihet si një nga shqiptarët më të urryer në SHBA, pasi kompania e tij rriti çmimet e ilaçeve kundër SIDA-s dhe kancerit, nga 13.50 dollarë në 750 dollarë.
Gjatë kohës së fushatës, Clinton e kishte kritikuar kompaninë e Shkrelit për rritjen e madhe të çmimeve të medikamenteve./ Tirana Today
