Ish-pronari i një universiteti privat është arrestuar, pasi akuzohet për falsifikim diplomash. Konkretisht, në pranga ka rënë ish-pronari i universitetit “Kristal”, Ahmet Muça.
Arrestimi është bërë pas një hetimi dy mujor të Prokurorisë, ku rezulton se Muça u ka dhënë diplomë personave që nuk rezultojnë të regjistruar në këtë universitet privat, tashmë të mbyllur.
Sipas dosjes hetimore, mësohet se Muça shiste diploma për 2500 euro edhe pas mbylljes së Universitetit me datat dhe vulat e kohës kur ky institucion ishte i hapur.
