Burri i cili vrau gruan me një levë pas koke, e kishte kryer këtë akt jo për motive xhelozie, por për shkak të disa parave të shpenzuara nga kursimet e tyre të përbashkëta. E ndjera nuk ishte vënë në dijeni për këto lekë, ndaj i kishte kërkuar llogari burrit të saj. Këtë gjendje të rënduar Skënder Hoxha nuk e ka përballur, duke ndërmarrë aktin tragjik, atë të vrasjes së bashkëshortes së tij, Antoneta Hoxha.
Skënder Hoxha nuk e duroi faktin se bashkëshortja e tij, prej më shumë se një muaji po i kërkonte llogari, se ku i kishte shpenzuar kursimet e disa viteve. 63-vjeçari në fillim nuk e ka pranuar krimin, por më pas ka rrëfyer çfarë kishte ndodhur.
Burimet bëjnë me dije se autori i krimit është shprehur se ngjarja nuk ka ardhur për motive xhelozie, por për disa para të shpenzuara nga kursimet e tyre të përbashkëta, për të cilat bashkëshortja nuk ishte vënë në dijeni.
Mësohet se gjendja e Hoxhës nuk ka qenë e mirë. Ai është mbajtur ditën e sotme me qetësues, sepse pasi ka kuptuar çfarë ka bërë, nuk ka pushuar së qari, e ndërsa endej në dhomë duke kërkuar të shoqen.
