Ambasadori i Italisë në Tiranë, Alberto Cutillo, aktualisht po mban një takim me kryedemokratin Basha në selinë e PD-së. Ambasadori italian ka mbërritur në PD rreth orës 11:00, e ndërsa vizita e tij vjen një ditë pas protestës së opozitës.
Kryetari i Partisë Demokratike, Lulzim Basha, tha në protestën e opozitës se nuk do të pranojë asnjë marrëveshje politike që bazohet mbi pazare.
Basha paralajmëroi se nuk do të ketë asnjë hap pas nga beteja e nisur me qytetarët, e as marrëveshje pa u plotësuar dy kushtet:
1.Largimin e Edi Ramës.
2.Zgjedhje politike pa nxjerrë nga qelitë vëllezërit dhe motrat tona, se janë aty se protestuan për Europën, për Amerikën, pa futur aty ata që vodhën votën, nuk ka zgjidhje politike.
