Dje Korça u trondit nga të shtënat me armë zjarri, ku ndërroi jetë 30-vjeçari Altin Balliu. Autori i ngjarjes është Olger Mustafa, banues në lagjen nr.10 të qytetit. Ky i fundit ka precedentë penalë të mëparshëm.
Autori i dënuar me 12 vite burg
34-vjeçari Mustafa është dënuar me 12 vite burg, pasi tentoi të vriste bashkëmoshatarin e tij atë kohë, Majkëll Hysollin. I riu shpëtoi për mrekulli, edhe pse u qëllua me 7 plumba me breshëri automatiku, teksa lëvizte me një mjet tip “Audi” me targa të huaja.
Ngjarja ka ndodhur në prill të 2010, kur Mustafa ka tentuar të vrasë Hysollin për larje hesapesh. Ai u dënua më 30.11.2017 me 12 vite burg, por për sjellje të mirë ka bërë vetëm 7 vite. Dënimi është ulur edhe prej gjendjes së keqe shëndetësore me 1 vit e 9 muaj, pasi Mustafa është operuar dy herë.
Por as kjo nuk ka qënë hera e parë që Olger Mustafa “takohet” me policinë. Ai është kapur disa herë me “lëndë narkotike” dhe “armë pa leje”, madje ka qënë edhe shkaktar i një aksidenti në fshatin Lumalas.
