Ende nuk dihet arsyeja që e shtynë 37-vjeçarin të ekzekutonte me 5 plumba fqinjin e tij Martin Ndreca, 45 vjeç. Krimi i rëndë ka ndodhur në orët e para të kësaj të diele, në zonën e ish-Kënetës.
Autori dhe viktima njiheshin
Viktima dhe autori njiheshin me njëri-tjetrin. Para vrasjes ata kishin qenë të ulur bashkë në lokalin e lagjes. Në këtë vend ka nisur edhe konflikti mes palëve, që ka përfunduar me bilanc tragjik.
Mësohet se ata nuk janë konfliktuar fizikisht, por kur janë ngritur, autori Ndue Zefi 37-vjeç ka shkuar në banesën e tij dhe ka marrë kallashnikovin për të “larë hesapet”. Ai i ka zënë pritë fqinjit të tij Martin Ndreca, 45 vjeç.
Mbi trupin e viktimës janë derdhur pesë plumba, zhurma e të cilave ka zgjuar gjithë lagjen. Kanë qenë banorët e zonës ata që kanë gjetur të pajetë 45-vjeçarin, si dhe kanë lajmëruar më pas policinë.
Autori në kërkim
Pas hetimeve, blutë e Durrësit kanë mundur të identifikojnë dhe shpallin në kërkim autorin e dyshuar të ngjarjes.
