Zbardhen detaje të reja nga aksidenti i ndodhur mëngjesin e sotëm në rrugën Fushë Krujë-Kurbin, ku humbi jetën pasagjeri 26 vjeçar dhe u plagos drejtuesi i mjetit.
Makina ‘Audi’ me targa AA 603 IG, me të cilën po udhëtonin ka qenë e vjedhur në qytetin e Laçit.
Gjatë inspektimit, policia ka gjetur brenda në makinë dy palë targa, maska dhe doreza.
Dyshohet se dy të rinjtë ishin në një tentativë për grabitje.
Aksidenti u regjistrua rreth orës 06:30, dhe ndodhi për shkak se drejtuesi i mjetit humbi kontrollin duke u përplasur me bordurën anësore të rrugës.
