Dalin detaje të reja lidhur me vrasjen makabre, ku i ati vrau vajzën e tij, shqiptaren Angjelina Petro në Korfuz. Ngjarja ka tronditur mbarë opinionin publik në Shqipëri, e sigurisht edhe në Greqi.
Krimi është bërë sot pjesë e emisionit të Tatiana Stefanidhu në Skai Tv. Gazetarja greke apeloi që të ndihmohet nëna e viktimës, teksa ajo ka kërkuar që trupin t’ia çojnë në Berat, ku edhe jeton.
Sherri që çoi në krimin monstruoz ndodhi për shkak të lidhjes së vajzës me një afgan, marrëdhënie për të cilin babai i saj nuk ishte dakord.
Mësohet se afgani ishte adoptuar nga një çift grek, pasi ishte jetim. Bashkëjetuesi i Angjelinës së bashku me prindërit e tij, e kishin çuar atë më datë 1 janar tek babai i saj. Më pas, i riu ka telefonuar shqiptaren, ku ka dëgjuar zhurmat nga debati mes tyre.
Pasi tentoi të rilidhej sërish me të dashurën e tij, telefoni i saj rezultonte i fikur. Ka qenë fqinja e shqiptarit ajo që ka gjetur telefonin e vajzës jashtë banese, ndërsa më pas njoftoi të dashurin e saj.
Ata denoncuan në polici zhdukjen e vajzës. Mes detaje, në emision është thënë se ka qenë pikërisht qeni i Angjelinës ai që i ka drejtuar policinë për tek vendi ku ishte groposur nga babai i saj, pasi e kishte goditur 7 herë me shufër hekuri në kokë.
