Zbardhen detaje të reja lidhur me dëshminë e shtetasit grek, Efthymiou Efthymious, i dyshuar si ekzekutor i 42-vjeçarit Devi Kasmit.
Gjatë dëshmisë së tij para uniformave blu, greku ka pranuar se ka njohje me një nga të akuzuarit për ngjarjen, me shtetasin Aurel Hoxhallari, i cili është shpallur në kërkim nga policia.
“Aurelin e njoh që kur ishte emigrant në Greqi. Kam ardhur disa herë në Shqipëri dhe e kam takuar. Kam qëndruar disa herë tek vila e Aurelit në Mëzez, por qëndroja edhe në shtëpinë time që kam marrë me qira”, ka dëshmuar Efthymiou Efthymious, raporton BW.
Por pavarësisht kësaj njohje, ai këmbëngul se nuk ka lidhje me vrasjen dhe viktimën. 41-vjeçari grek ka pajtuar si avokat mbrojtës Saimir Vishën, por që nga momenti i arrestimit në datën 2 shkurt, ai ka mohuar të ketë lidhje me ngjarjen.
