Dështon edhe përpjekja e dytë për zgjedhjen e kryetarit dhe Kryesisë së Kuvendit të Kosovës.
Shkak është bërë mungesa e deputetëve të koalicionit PAN, duke detyruar kryesuesin e seancës Adem Mikullovci që të kërkonte një pauzë prej 15 minutash.
Seanca nisi në orën 10:00, por pas pauzës, u njoftua shtyrja e saj në mungesë të kuorumit.
Vendimi u mor pas konsultimeve të Mikullovcit me dy shefat e grupeve parlamentare të Vetëvendosjes dhe LDK-së.
Mikullovci organizoi një takim në orën 12:00 me të gjithë krerët e grupeve parlamentare për të gjetur një zgjidhje.
