Tentativat e Indisë për të zbarkuar në Hënë, kanë dështuar edhe kësaj radhe. Që nga viti 2008, ky është dështimi i dytë i përpjekjeve të Indisë për të lëshuar një sondë.
Shkencëtarët humbën kontaktet disa minuta para mbërritjes së sondës “Chandrayaan-2”.
Misioni i sondës “Chandrayaan-2” kishte të bënte kërkime shkencore në një pjesë të pastudiuar më herët të Hënës. Ajo ishte planifikuar të qëndronte 2 javë, prej ku të merrte të dhëna me rëndësi.
I pranishëm në qendrën e kontrollit ISRO ishte edhe kryeministri i Indisë, Narendra Modi, i cili mbështeste ekipin e shkencëtarëve. Ndërsa shprehu vlerësimet e tij për misionin e ndërmarrë, teksa e konsideroi një simbol të ambicieve të vendit të tij si fuqi botërore.
Me këtë projekt ambicioz, India shpresonte të bëhej vendi i katërt pas SHBA-ve, Rusisë dhe Kinës që realizojnë një mision të tillë ne Hënë.
