Komisioni i Ligjeve u mblodh sot për të verifikuar nëse ka ardhur ndonjë emër kandidati për president, por duket se kjo mbledhje ka dështuar.
Kështu, është djegur edhe raundi i dytë për zgjedhjen e presidentit të ri, pasi nuk ka ende asnjë emër konkret për këtë post.
Kryetarja e komisionit, Vasilika Hysi, tha se nuk ka pasur asnjë emër të mbështetur nga 20 deputetë, ndërsa raundi i tretë, sipas Kushtetutës, duhet të zhvillohet brenda një jave dhe për zgjedhjen e Presidentit duhet të votojnë 84 deputetë pro.
