Merkato e futbollit u mbyll mbrëmë në 23:59 për pothuaj të gjitha vendet e Evropës, përvec Spanjës. Merkato në “La Liga” mbetet e hapur edhe sot e për këtë arsye priteshin lëvizje të bujshme, ndër të cilat transferimi i Philipp Coutinho-s te Barcelona.
Mediat dje raportuan se për brazilian gjithçka ishte e mbyllur, por së fundmi mësohet se klubi ka hequr dorë nga futbollisti pas shumë e shumë tentativave. Liverpool i ka mbyllur derën spanjollëve edhe pas ofertës prej 150 mln eurosh, duke sjellë “dorëzimin” e Barcelonës.
Në fillim lojtari kërkoi largimin nga Liverpooli (transfer request), më pas refuzoi të luante disa ndeshje në kampionat dhe së fundmi nuk mori pjesë as në “Champions League”, por të gjitha këto nuk kanë dhënë asnjë efekt për kalimin e tij në Spanjë.
Megjithatë Liverpooli ka qëndruar i patundur që nga data 10 gusht kur njoftoi se nuk do ta shesë lojtarin për asnjë çmim dhe sot kjo është konfirmuar plotësisht.
Barcelona ka hequr dorë nga braziliani.
