Takimi mes Shakirës dhe Gerard Pique për të arritur një marrëveshje për ndarjen e tyre, nuk pati një fund të lumtur. Lojtari i Barcelonës u largua herët nga takimi, i lodhur nga negociatat e pafundme.
Kështu shkruan “La Vanguardia”, e cila po ashtu pretendon se Pique ka mbërritur në zyrën e avokatit të tij, Ramon Tamborero, pas orës 18:00 dhe është larguar në orën 19:50 me një pamje serioze në fytyrë.
Nga ana tjetër, largimi i Shakirës nga zyra ishte shumë ndryshe. Artistja u largua nga zyra e avokatisë nën duartrokitjet e fansave që ndodheshin në rrugë, dhe nuk kanë reshtur së transmetuari ngrohtësinë e tyre tek këngëtarja.
Në këtë situatë, ajo u ndal për të buzëqeshur dhe përshëndetur me dorë të gjithëve, ndërsa ata e brohorisnin dhe i bënin thirrje që të mos largohej nga Barcelona.
“Ne të duam, të lutem mos shko”, thanë ata. Avokatët e Shakira dhe Pique, Pilar Mane dhe Ramon Tamborero, po vazhdojnë negociatat. Ish-çifti janë ende në përpjekje për të arritur një marrëveshje për të ardhmen e dy fëmijëve të tyre, gjë që e vështirëson gjetjen e një zgjidhje.
Shakira dëshiron të shkojë në Miami me femijët dhe Pique refuzon kategorikisht. Sido që të jetë, ata do të përpiqen të gjejnë një zgjidhje në takimin e ardhshëm.
Një tjetër nga aspektet që duhet zgjidhur, siç ndodh zakonisht në ndarjet romantike, është ana ekonomike.
Burimi i lajmit: MARCA. Përshtatur nga Tirana Today
