Nuk ka fitues në derbin e kryeqytetit italian. Roma dhe Lazio u përballë në “Olimpico”, por kemi parë dy skuadra me “fytyrë” tjetër nga ajo e Europës, një ndeshje ku kanë munguar emocionet dhe rastet e rrezikshme.
Roma dukeshe se kërkonte dicka më shumë, por Bruno Peres nuk shkon më shumë se në shtyllë në fundin e pjesës së parë. Alisson Becker dhe Thomas Strakosha nuk patën shumë punë, edhe pse vlen për t’u përmendur një pritje shpëtimtare e shqiptarit në minutën e fundit ndaj tentativës së Edin Dzeko.
Të dy skuadrat ndjenë edhe lodhjen e ndeshjeve të mesjavë kur Kupat e Europës, ku Roma arriti një kualifikim historik ndaj Barcelonës, ndërsa Lazio u eliminua nga Salzburg. Në dhjetë minutat e fundit Lazio luajti me dhjetë futbollistë pas kartonit të kuq të marrë nga Radu.
Lazio dhe Roma mbeten në zonën Champions pasi ndajnë vendin e tretë me nga 61 pikë, kur mbeten gjashtë ndeshje para fundit, një pikë më shumë se Inter i vendit të pestë që barazoi 0-0 ndaj Atalanta, të shtunën në mbrëmje.
