Derbi i Londrës premton spektakël, Arsenal më i motivuar për fitore

Edhe pse në Premier League gara për titull është e mbyllur, derbi i Londrës pritet të dhurojë spektakël të jashtëzakonshëm. Në “Emirates” do të përballen Arsenal me Chelsean, ku njëra luan për vendin e dytë dhe tjetra për të kapur zonën Champions. Për “topçinjtë” do të ishte zhgënjyese nëse mbyllin një tjetër sezon pa pjesëmarrjen në Champions League, ndaj duke iu referuar faktit që janë pritës dhe ndodhen në vendin e 6-të, presioni është pikërisht tek vendasit.

Sa i përket gjendjes së të dyja skuadrave, Wenger nuk do të ketë në dispozicion Giroud, Montreal dhe Ramsey (dihet dhe mungesa e gjatë e Cazorlas), ndërsa Kolasinac, Koscielny dhe Ozil mbeten në dyshim për shkak të problemeve fizike. Nga ana tjetër, Conte e ka thuajse të plotë grupin, përveç dy mungesave të vjetra si David Luiz Musonda.