Prestigjiozja austriake “DerStandard” i ka kushtuar një artikull kryeminsitrit Rama, për të cilin shkruan se si po ndikon në ndarjen e kufijve të Kosovës.
Gazetarja e ‘Der Standard’ për Ballkanin, Adelheid Ëölfl, flet në artikullin e saj për Shqipërinë e Madhe dhe Serbinë e Madhe. Ajo shkruan se mbështetja për përcaktimin e kufijve vjen nga ‘nacionalistët shqiptarë dhe serbë që kërkojnë zona etnikisht homogjene, domethënë Shqipëria e Madhe dhe Serbia e Madhe, por edhe nga presidentët nacionalistë të Serbisë dhe Kosovës, Aleksandar Vuçiç dhe Hashim Thaçi, si dhe Kryeministri shqiptar Edi Rama.’
Jo vetëm kaq, por gazetarja përmend edhe largimin e Bushatit si ministër i Jashtëm, teksa shkruan se Rama largoi nga qeveria e tij “njeriun që kundërshtoi idenë e shkëmbimit territorial ministrin e Jashtëm Bushatin”.
“Për këtë, Rama donte ta dorëzonte zyrën tek Gent Cakaj, 26 vjeçar, të cilin e pengonte presidenti shqiptar Ilir Meta. Zyrtarisht, Rama tani është zgjedhur vetë minister i Jashtëm, Cakaj është zëvendësi i tij – por të gjitha kompetencat i janë dhënë nga Rama. Për ekspertin e Evropës Juglindore, Florian Bieber nga Universiteti i Grazit, zëvendësimi i Bushatit është “befasues” dhe “i çuditshëm”, pasi ai ishte shumë i respektuar ndërkombëtarisht dhe kishte vepruar si një antipodë e qetë në vend. Bieber ankohet për “gjestet nacionaliste” të Ramës, të tilla si emërimi i shqiptarit të Kosovës Cakaj dhe thjeshtimi i kontrolleve kufitare mbi Kosovën”, shkruan artikulli.
Gjithashtu, eksperti Florian Bieber i ka thënë gazetares se ‘gjestet nacionaliste’ të Ramës janë sinjale për BE-në se nëse integrimi nuk përparon, mund të ndodhë një bashkim gradual i territoreve shqiptare.
“Ato (gjestet) përforcojnë udhëheqjen e Ramës mbi shqiptarët në Kosovë dhe Maqedoni, e cila dërgon një mesazh në BE: nëse integrimi në BE nuk përparon, ekziston një Plan B, bashkimi gradual i territoreve shqiptare, veçanërisht Shqipërisë dhe Kosovës”, shton Bieber.
