FIFA pak ditë më parë pati lajmëruar se Perusë mund ti pezullohej pjesëmarrja në Botërorin Rusi 2018, për shkak të një projekt-ligji që ishte hartuar nga deputetja Paloma Nokeda, e cila e kalonte Federatën peruane të futbollit, nën varësinë e Ministrisë peruane të Sportit, gjë kjo rreptësisht e ndaluar nga organi më i lartë qeverisës i futbollit.
Deputetja që hodhi propozimin e këtij ligji Paloma Noceda është tërhequr pasi dhe ka deklaruar se e ka anuluar propozimin e saj, që do të vinte në rrezik praninë e Perusë në Botërorin e vitit të ardhshëm. Noceda u shpreh se Peruja arriti të kualifikohej në Botëror me shumë vështirësi dhe se nuk do të vinte kurrë në rrezik skuadrën, në të mirë të të gjithë peruanëve ajo vendosi të bënte hapa pas. Kështu për Italinë shuhet një herë e përgjithmonë mundësia për të qenë pjesë e Botërorit “Rusi 2018”.
