Deputeti Lefter Maliqi deklaron se Komisioni i Venecias nuk mund të gjykojë pjesën e sigurisë kombëtare në vendin tonë.
I ftuar në “Real Story”, Maliqi e konsideron Komisionin Hetimor ngritur për shkarkimin e presidentit Ilir Meta një “show” për të mbuluar zgjedhjet vendore. Sipas tij, debati i krijuar mes Institucionit të Presidentit dhe Kryeministrisë mbi 30 qershorin i ngjan më tepër një dyluftimi mes “gjelash”.
Ndër të tjera, deputeti thekson se nëse Meta nuk do ta anulonte datën e zgjedhjeve të 30 qershorit, vendi rrezikonte të shkonte drejt një konflikti civil.
“Sa i takon veprimeve të presidentit të republikës unë po e nis me gjykimin në thonjëza për deklaratën e tij në Komisionit Hetimor, kam thënë se është një shoë. Ky është një show për të mbuluar zgjedhjet e 30 qershorit, për të mbuluar krimin e organizuar.
Unë kam qenë kundër bojkotit të zgjedhjeve lokale, por e vërteta duhet thënë sic duhet. Komisioni i Venecias nuk është për të gjykuar sigurinë kombëtare në vend. Jemi në dijeni të këtij informacioni. Presidenti kur anuloi datën e zgjedhjeve disa ditë i bëri thirrje maxhorancës për të shtyrë datën e zgjedhjeve.
Nëse nuk do ndodhte shtyrja e zgjedhje do të kishe konflikte verbale dhe fizike nga jugu në veri. Unë dua tu them diçka të vërtetë: Jemi në një krizë të madhe politike dhe ekonomike në vend. Kemi trafiqe ku kapen persona me oriz. Ne s’kemi Gjykatë të Lartë dhe as Gjykatë Kushtetuese. Gjykata e Lartë i ka me mijëra dosje. Ata janë në luftë gjelash mes tyre, sepse e njohim mirë njërin tjetrin”, deklaroi Maliqi.
