Deputeti demokrat Oerd Bylykbashi, me anë të një statusi në Facebook ka komentuar qëndrimin e kryeministrit Rama, kur foli për Ministrin e ri të Jashtëm, me origjinë nga Kosova, Gent Cakaj.
Në fjalën e tij para mediave, në natën e ndërrimit të viteve, ai e cilësoi atë si një njeri shumë të lexuar, por deputeti demokrat i kujton Ramës se ka harruar të lexojë Kushtetutën shqiptare.
Deputeti i PD-së është ndalur tek kriteri i leximit që përfoli Rama. Ai thotë se nuk e ka gjetur në asnjë nen të Kushtetutës. Mes të tjerave, Bylykbashi ironizon duke shkruar se Gent Cakaj është i lumtur që këtë vit voton për herë të parë si shtetas shqiptarë.
