Pas përgjimeve nga gazeta gjermane “Bild”, një nga frazat më të debatuara është edhe ajo e përdorur nga ish-ministri i Transportit, Damian Gjiknuri: Do të dërgoj “çunat problematikë” në qendrat e votimeve.
Deputeti socialist Alket Hyseni ka rrëfyer mbrëmjen e djeshme, se kush janë ‘çunat problematikë’ që përmenden në dosjen 339 për shit-blerjen e votave në Dibër.
I ftuar në emisionin ‘Open’, Hyseni tha se ‘çunat problematikë’ janë të rinjtë e forumit rinor socialist, që ‘të marrin gjak në vetull’.
“Çunat problematikë janë të rinj të FRESSH-it, që të marrin gjak në vetull. Nëse ti (i drejtohet Çlirim Gjatës) nuk e njeh shprehjen popullore, ta them unë që të marrin gjak në vetull për të drejtën e tyre”, u shpreh Hyseni.
Por kjo deklaratë u konsiderua nga Sekretari për Çështjet Ligjore në PD, Çlirim Gjata, si një thirrje për dhunë.
“Kjo është thirrje për gjak dhe për dhunë. Uroj ta dëgjojnë ndërkombëtarët”.
