Deputeti i CDU-së, Olav Gutting ka reaguar pas rekomandimit të KE-së për hapjen e negociatave të Shqipërisë me BE-në.
Përmes një deklarate për mediat, Gutting vlerëson progresin e shkëlqyer të bërë nga Shqipëria, për të cilën shkruan se meriton respekt.
Ai iu përcjell një mesazh kolegëve të tij, që të bëjnë kujdes me mesazhet që përcjellin ndaj Shqipërisë, duke marrë si shembull datën e zgjedhjeve.
“Mbi të gjitha, Shqipëria është mik dhe partneri ynë, dhe nuk duhet të harrojmë se shqiptarët janë njerëzit më pro BE në rajon, bazuar kjo në të gjitha anketat e Bashkimit Europian. Ne gjithashtu kemi mbështetur Shqipërinë në perspektiven e saj drejt për t’u anëtarësuar në Bashkimin Europian. Me ndihmën e KfË, por jo vetëm, ne kemi investuar shuma të mëdha në Shqipëri, e cila ka bërë progres mahnitës nga periudha e diktaturës deri tek anëtarësimi në NATO dhe tani vend kandidat për në BE. Së dyti ne duhet të jemi sensitivë në dërgimin e mesazheve nga Gjermani në Shqipëri. Mosmarrëveshjet e brendshme janë shqetësuese, por ne duhet të jemi të kujdesshëm në përcjelljen e mesazheve ndaj Shqipërisë, si për shembull në lidhje me datën e zgjedhjeve”, shprehet ai.
