Deputeti i Bundestagut gjerman, Andres Lammel, nuk është surpriuar aspak nga akuzat e shprehura me kohë nga ana e opozitës se politika është e përfshirë në krim. Sipas tij është e udhës se Shqipërisë i duhet Vetting në politikë. Gjatë qëndrimit në Tiranë, deputeti i CDU-së sugjeroi që të dyja palët të ulen sa më parë dhe të implementojnë procesin e Vettingut në politikë.
“Lajmet që politika është e përfshirë në krim, e kemi prej disa vitesh dhe kemi njoftuar kancelaren gjermane që në Shqipëri duhet të ekzistojnë disa rregulla, se si ti largojmë nga politika.
Publiku duhet të ketë të drejtën që të kërkojë që këto politikanë të mos jenë të përfshirë në akte kriminale. Është e qartë se është një komision që vendos për aktet sesa të rënda janë ato, dhe nëse duhet ta dorëzojë deputetët mandatin apo jo.
Mendoj për të dy palët të ulen së bashku sa më parë, dhe mendoj se do të jetë në interes të PS-së që të kthejë besimin tek popullata. Të ulen sa më shpejt dhe implementojnë procesin e Vettingut në politikë”, deklaroi deputeti i Bundestagut, Andres Lammel.
