Deputeti demokrat, Agron Shehaj, me anë të një statusi në rrjetin social Facebook shprehet se 38.7 euro është çmimi mesatar që kanë paguar pasagjerët të cilët kanë udhëtuar me Ryanair në 2017.
Ëndrra e shqiptarëve është të udhëtojnë me këto çmime, dhe vetëm kompanitë ajrore low cost, mundësojnë çmime të tilla, thotë Shehaj.
Sipas tij, alternativa e vetme për daljen nga kriza është PD-ja, duke treguar një sërë arritjesh. Ai shkruan ndër të tjera se shumicën e investimeve në Shqipëri i ka bërë PD-ja, ashtu siç hoqi vizat, futi vendin në NATO e solli investime të huaja si TAP-i.
Për rrjedhojë, alternativa e PD është ekonomikisht më e mira, dhe do ndalë oligarkët dhe aferat korruptive.
