Në vitin 2013 Partia Socialiste premtoi se kur të vinte në pushtet do të hiqte dorë nga emërimet politike dhe ndërhyrjet. Ajo premtoi se çdo vend pune në shtet do të ishte më konkurs. Pas 5 viteve dalin fakte së kjo forcë politike nuk e ka mbajtur premtimin. Në portalin “Faktor. al. shkruhet se tetë deputetë të Partisë Socialiste dyshohet se kanë propozuar për emërim 89 efektivë në Policinë e Shtetit, duke shkelur nenet dhe frymën e ligjit për Policinë 108/2014 për depolitizimin e organizatës.
Deputeti që ka thyer çdo rekord në zyrën e ish-ministrit Sajmir Tahiri është ai i Korçës, z. Ilir Pendavinji me plot 23 vetë që të shumtën e rasteve janë emëruar në një ditë: 1 nëntori 2013 ose 17 dhjetor 2013, dhe prill maji 2014.
Në vend të dy është kreu i komisioni të ligjeve, z. Ulsi Majna, që dyshohet se ka sugjeruar pranë zyrës së Tahirit plot 21 ripranime në polici në periudhën 2013/2014, posaçërisht në komisariatin e Policisë Dibër, Mat dhe Kukës.
Kreu i Komisionit të Ligjeve z. Ulsi Manja, duket se ka propozuar emërime politike në gradat, inspektor, nën/Komisar, Krye/komisar, dhe punonjës civilë. Emërimet janë në kapërcyellin e 2013-2014, çka ngre dyshime për një fushatë emërimesh politike të urdhëruara.
Në vend të tretë është deputeti lezhjan z.Pjerin Ndreu, ish drejtor i Policisë së Përgjithshme, që ka propozuar emërimin e 18 efektivëve të policisë.
Vendi i katërt është i z. Arben Ndoka që ka sugjeruar ripranimin e 11 efektivëve në policinë e qarkut Lezhë.
Vendi i pestë dhe gjashtë e ndajnë z.Ben Blushi dhe z.Ylli i Zicisti, që kanë propozuar për emërim secili nga 10 efektivë.
Vendi i shtatë i takon z. Arben Cuko me 8 emërimi dhe shefi i grupit parlamentar të PS-së, z. Taulant Balla me 8 emërime.
1. Ilir Pendavinjii 23, 2. Ulsi Manja 21, 3. Pjerin Ndreu 18, 4. Ben Blushi 10, 5. Ylli Zicisti 10, 6. Arben Cuko 8, 7. Arben Ndoka 11, 8. Taulant Balla me 8 persona.
Ish-Ministri i Brendshëm Sajmir Tahiri rezulton se ka zbatuar çdo kërkesë të ardhur në adresë të tij, duke shënuar të zezë në të bardhë nr. regjistrit, detyrën dhe funksionin, rekomandimin, data e fillimi të punës, gradën, emri i personit, atësinë dhe mbiemrin, dhe kolona e fundit cili deputet e ka propozuar.
Faktor.al përmes një investigimi disa javor ka rritur të sigurojë një dosje që ish-ministri i Ministri i Brendshëm Sajmir Tahiri mendohet se ka kryer për llogari të qeverisë, deputetëve, biznesmenëve dhe personave të rëndomtë në katër vitet në periudhën 2013-2017.
49 deputetë socialistë dhe 1 i ish-ministër i LSI-së mendohet se i kanë kërkuar emërime dhe ripranime në Policinë e Shtetit për një numër total personash 259 efektivesh.
