Ish-truproja i kryeministrit Nikolla Gruevski, Igor Spasov, i cili është dënuar për vrasje, gjatë mbrëmjes së djeshme është arratisur nga burgu i Idrizovës.
Lajmin për arratisjen e bodigardit të Gruevskit e raportojnë mediat vendase në Maqedoni. Por arratisja e tij nuk ka zgjatur shumë, pasi në mesnatë është kthyer vetë në burg, në gjendje të dehur.
Ai është i dënuar me 14.6 vite burg për vrasjen e Martin Neshkovskit. Spasov tre vite para kohe është transferuar në pjesën e hapur të burgut, prej ku të burgosurit mund të largohen lehtësisht apo edhe të arratisen.
