Gazetari i njohur investigative, Artan Hoxha ka komentuar vendimin e GJKKO, për të dënuar me dy vite burg, ish-Kryeprokurorin e Përgjithshëm, Adriatik Llalla.
Përmes një postimi në rrjetet sociale, Hoxha shprehet se vendimi për Llallën u dha nën monitorimin e përfaqësuesve të SHBA në sallën e gjyqit.
Sipas tij, ata që e vunë në këtë post, ish-kryeministri Sali Berisha dhe Presidenti Ilir Meta, nuk e mbrojnë më, pasi kanë hallet e tyre.
Postimi i Hoxhës në rrjetin social, Facebook
Me krah te lehta kryeprokuror i Republikes.
Vendimi u dha nen monitorimin e perfaqesuesve të SHBA në sallen e gjyqit…
Tani, ata qe të vune aty(Berisha+Meta) dhe të perdoren si kamikaz për penguar sa kishe mundesi, nje projekt amerikan, nuk te mbrojne dot se jane te zene me hallet e tyre.
Edhe pse në fakt u mbylle aq shume dosje korrupsioni dhe i mbrojtje stoikisht, duke prishur shume hetime të vartesve të tu…
Ne fakt ti nuk hetove askend, as ata qe kishin qeverisur Shqiperine, as ata qe po e qeverisin Shqiperine…
Meqe je i pari i ndeshkuar në kete fllad ndryshimesh, hiqe kemben zvarre dhe merri me vete dhe shefat e tu…
Kush e ka radhen???!!
Ditën e sotme, GJKKO e ka dënuar Llallën edhe me 5 vite përjashtim nga mbajtja e posteve publike. Po ashtu, Llallës i është vendosur sekuestro edhe mbi pasurinë e ish-zyrtarit të lartë të drejtësisë.
Ai akuzohet për disa vepra penale që përfshijnë “Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim”.
Adriatik Llalla u hetua edhe për pastrimin e parave, por në finale ai u dërgua për gjykim vetëm për fshehje të pasurisë.
