Vetëm pak ditë më parë, Bashkimi Evropian mori vendimin për lehtësimin e procesit të vizave për ish-republikën sovjetike Bjellorusinë, duke bërë vlerësime për përparimin e bërë në standardet dhe të drejtat e njeriut.
Pa u mbushur ende java nga lajmi, Bjellorusia ka vendosur gjithçka në pikëpyetje, pas një vendimi të gjykatës vendase për dënimin me vdekje të dy personave. Forma e dënimit mund të jetë “alla Bashkim Sovjetik” me pushkatim shprehen disa prej gazetave vendase.
Vendimi për dënimin me vdekje të dy vëllezërve Ilya dhe Stanislav Kostev ka shkaktuar zemërim te europarlamentarët, të cilat kanë ngritur dyshime të forta për dashamirësinë e tyre ndaj Bjellorusisë.
Në një prononcim zëdhënësi i BE-së, Peter Stano ka thënë se një vendim i tillë është shkelje flagrante e të drejtave të njeriut. Për më tepër, që ky vendim bie ndesh me konkluzionet Këshillit të cilat ndalojnë aplikimin e dënimit me vdekje.
BE-ja i ka kërkuar të heqë vendimin pavarësisht rrethanave.
Në vitin 2019, Bjellorusia dënoi dhe 3 persona të tjerë me vdekje, duke vënë në dukje mungesën e demokracisë dhe respektimin e të drejtave të njeriut në vend.
