Nga Flamur Vezaj/ Ish-Kryetarit të KQZ-së Denar Biba, këtë radhë treni i është ndaluar në stacionin e Prokurorisë! Po po, te prokuroria e Tiranës e cila po verifikon procedurat e 20 tenderave që dyshohet se i kanë shkaktuar shtetit një dëm të konsiderueshëm financiar!
Sipas auditimit, vetëm në 4 procedura tenderimi dyshohet se me firmën e Bibës shtetit i është shkaktuar një dëm prej 160 milionë lekë!
Ku vetëm në tenderin e fletëve të votimit, KLSH-ja thotë se shtetit i është shkaktuar një dëm prej 120 milionë lekë!
Ja pra Ky material voluminoz i firmosur nga Kontrolli i Lartë i Shtetit tashmë ndodhet në duart e Prokurorisë që në muajin nëntor të vitit të kaluar!
Në këtë materiale kallëzuese, bëhet fjalë për 12 procedura tenderimi gjatë vitit 2016 dhe 8 te tjera në vitin 2017 që mbajnë firmën e “negociatorit profesioniste” Denar Biba, thënë ndryshe “ushtarit të besuar” të Sekretarit të Përgjithshëm të Kryeministrisë!
Por përderisa nuk kemi një vendimmarrje nga prokuroria, kjo mbetet ne fazën e dyshimeve që Biba ka abuzuar me pushtetin duke paracaktuar dhe favorizuar kompani të ndryshme në tenderat për materiale zgjedhore!
Tashme nuk dihet se sa kohë i duhet Prokurorisë së Tiranës, që të zbardhë të gjithë shkeljet e kryera nga Biba dhe ish-vartësit e tij në procedurat e tenderimeve në formën “Negocim pa Shpallje”!
Por ajo që çudit në këtë rast është standardi i KLSH-së që fsheh kallëzimin dhe raportin final të auditimit!
Ne rastin e “negociatorit Biba” siç duket edhe drejtuesit të KLSH-së i ka “ardhur treni te dera” çka e ka favorizuar ish-kryetarin e KQZ-së, duke mos ia bërë publike raportin e shkeljeve e hiç me pak materialin kallëzues të dorëzuar në Prokurori!
Pra në habitemi që Prokuroria nuk ka hetuar hajdutët e votave në Durrës, Dibër e gjetkë dhe harrojmë se duhet hetuar edhe “hajdutët” e institucionit që kanë për detyrë organizimin dhe numërimin e votave në Shqipëri! Hetoni mos e favorizoni Bibën se do i ik treni.
