Pas videos virale që po bën xhiron në rrjetet sociale, ku shihet me zë e figurë kryebashkiaku i Tepelenës, Tërmet Peçi, teksa këndon këngë kushtuar diktatorit Enver Hoxha, një kundërpërgjigje ka ardhur nga ai, pas akuzave të parashtruara nga ana e PD.
Në një lidhje telefonike për “BalkanWeb”, Peçi pohoi se gjithçka ishte në kuadër të festimeve, për rastin e 75-vjetorit të çlirimit të qytetit, në një darkë zyrtare të shtruar nga Bashkia e Tepelenës.
Po kështu ai i drejtohet deputetit demokrat, Tritan Shehu, pse nuk ishte i pranishëm në darkën në fjalë. Referuar kërkesës drejtuar Ramës, që ai të japë dorëheqjen, Tërmet Peçi ka kthyer një përgjigje me mjaft sportivitet.
“Gjithçka ishte në kuadër të festimeve. Nuk kishte asgjë tjetër. Sa për reagimin e deputetit të PD-së, për këtë qark, Tritan Shehut, do e pyes pse nuk erdhi dje në aktivitet, po merret me këto histori? Po le të më heqin, ça të them unë. S’do merrem me këto histori”, tha kryebashkiaku Peçi.
https://tiranatoday.com/godet-termet-peci-i-kendon-enver-hoxhes-terbohet-deputeti-demokrat-paralajmeron-ramen-video/
