Trafikanët dhe bandat të lidhura me qeverinë, kanë qenë kryefjala e ditëve të fundit nga ana e opozitës. Edhe rasti i prangosjes së vëllait të moderatores Alketa Vejsiu, është përdorur për qëllime politike. Edi Paloka demostron rastin e Endrit Vejsiut, si të përfshirë në njerëzit që kanë marrë mbështetje nga kryeministri Rama.
Bashkëngjitur statusit të tij të radhës, ai ka shkruar: “Si ka mundësi që të gjithë ata që i shërbejnë këtij monstre kryeministër, herët e vonë dalin të lidhur me krimin në një mënyrë apo një tjetër…?!!”.
Nga radhët e PD ka reaguar edhe Edmond Spaho, i cili vë në dukje marrëdhënien mes Alketa Vejsiut me Ramën. Komenti i tij është ironik: “Hë se të liron Rama. I ka shërbyer aq shumë Alketa, sa minat do i kthejnë në fishekzjarre, kurse kanabisin e bëjnë çaj”.
29-vjeçari u ndalua teksa po qarkullonte me një mjet tip “Opel”, dhe gjatë kontrollit u konstatuan në gomën rezervë në bagazh katër mina me telekomandë, dhe një sasi lënde narkotike.
https://tiranatoday.com/zbardhen-detajet-per-arrestimin-e-vellait-te-alketa-vejsiut-porositesit-do-i-perdornin-minat-per-qellime-kriminale/
