Ministri i Rendit Dritan Demiraj, zhvilloi ot një takim me Ambasadorin Peter Tejler, kreun e misionit të vëzhguesve të OSBE-ODHIR dhe Polyna Lemos, Zëvendës Kryetare i Misionit, ku deklaroi si prioritet të punës së tij, mospërfshirjen e policisë në procesin zgjedhor, si dhe neutralizimin e mundësisë së blerjes së votës nga burime te paqarta.
Sipas deklaratës për shtyp, Demiraj informoi ambasadorin Tejler për planin e masave për mbarëvajtjen e zgjedhjeve të 25 qershorit, ku mbi 7.000 efektivë të Policisë së Shtetit janë trajnuar për detyrat konkrete gjatë procesit dhe janë dhënë porosi të veçanta për tre drejtori vendore në nivel qarku, për neutralizimin e problematikave nga subjekte, individë dhe grupe kriminale.
Nga ana e tij, shefi i misionit të vëzhguesve të OSBE-ODHIR Peter Tejler prezantoi objektivat e punës së tij, rolin në procesin monitorues dhe raportues të 250 vëzhguesve dhe ndau pikëpamje në lidhje me fenomenin e shit-blerjes së votës dhe potencialin për të ndikuar në votim përmes presioneve të ndryshme. Ai theksi se monitorimi në javën e fundit do të jetë më intensive dhe një ditë pas zgjedhjeve do të dalin me një raport paraprak.
