Ministri i Punëve të Brendshme Dritan Demiraj i jep ish-Drejtuesit të Strukturave të Policisë së Shtetit, Artan Cukut (Pas vdekjes), Medaljen e Nderit, me motivacionin: “Për merita dhe shërbime të veçanta në luftën ndaj krimit, sigurimit të rendit e të qetësisë publike”.
Jetshkimi i Cukut
Artan Cuku, ish-drejtor i policisë së Vlorës mbeti i vrarë në një atentat me armë zjarri ne derën e banesës së tij, në rrugën e “Kosovarëve”, në Tiranë.
42-vjeçari ka mbajtur poste të rëndësishme në Policinë e Shtetit në një karriere 16 vjeçare.
Ai u lirua nga detyra në Polici në qershor të vitit 2014 me urdhër të Artan Didit.
Motivacioni i largimit ishte “për shkurtim funksioni organik dhe pamundësi emërimi në një vend tjetër”.
Krahas tij, nga policia, me urdhër të Didit u liruan nga detyra edhe një grup tjetër oficerësh të Drejtorisë së Përgjithshme të Policisë.
Artan Cuku ka qenë Drejtor në Policinë e Vlorës në vitet 2012-2013. Më herët, në vitet 2009-2011, ai ka mbajtur detyrën e nëndrejtorit të Policisë së Tiranës.
Ndërsa në vitet 2005-2009, ka qenë Shef i Krimeve në Tiranë.
Të njëjtën detyrë ai e ka ushtruar edhe në drejtoritë e policive Shkodër dhe Fier.
