Ministria e Mbrojtjes ka bërë bilancet e shkaktuara nga tërmeti që goditi sot vendin. Sipas të dhënave të grumbulluara deri në orën 12:30, nga Qendra Kombëtare Operacionale e Shtabit të Përgjithshëm të Forcave të Armatosura, janë raportuar 7 raste dëmtimesh.
- Rënia e një çatie në një banesë të braktisur, njësia administrative Manzë
2. Në Yrshek, Kashar, është çarë muri i një banese
3. Në Marqinet, Bashkia Vorë, raportohet dëmtimi i çatisë së një banese
4. Në lagjen Dyl Haxhire Myzyri, pallati nr. 8 ka plasaritje të mureve
5. Njësia Cudhi, Bashkia Krujë, është plasaritur një banesë
6. Fshati Brret, Bashkia Krujë, një banesë e plasaritur
7. Plasaritje e një supermarketi në lagjen 17, Bashkia Durrës
Ministria thotë se nga verifikimet e deritanishme në qarqet Fier, Shkodër, Vlorë, Lezhë, Berat dhe Kukës, nuk ka raportime për dëme materiale. Fatmirësisht nuk ka as persona të lënduar.
Ministria e Mbrojtjes deklaroi zyrtarisht se tërmeti ishte me intensitet 6 ballë, me magnitudë 5.1. Epiqendra e tërmetit ishte në Hamallaj.
Sot në kryesinë e Kuvendit u ndërprenë punimet e komisioneve parlamentare. Të shumtë kanë qënë ata që dolën jashtë banesave, apo vendeve të punës. Më herët, Veliaj u bëri thirrje banorëve të lënë banesat, deri në sqarimin e situatës.
