Kalimi i demarkacionit ka bërë bashkë edhe politikën shqiptare. Duke nisur nga presidenca, opozita dhe kryeministria dhe Ministria për Evropën dhe Punët e Jashtme. Të gjithë kanë përshëndetur kalimin e demarkacionit me Malin e Zi, e cila ka qenë një ndër çështjet e parashtruara nga Bashkimi Evropian.
Presidenti Meta ka përgëzuar dhe ka uruar të gjithë qytetarët e Kosovës, pasi kjo është një përmbushje e dëshirës për të lëvizur pa viza në kontinentin e vjetër. Ndërkohë Partia Demokratike ka përshëndetur votimin e demarkacionit, duke theksuar se ky veprim rrit sigurinë dhe stabilitetin në rajon.
Gjithashtu edhe Ministria për Evropën dhe Punët e Jashtme të Shqipërisë, përmes një statusi në “Twitter” ka përgëzuar kalimin e demarkacionin duke e cilësuar si një hap të rëndësishëm për Kosovën dhe qytetarët e saj.
Mesazhi i Metës
Përgëzime për Kuvendin e Kosovës për miratimin e marrëveshjes së demarkacionit me Malin e Zi dhe urime të gjithë qytetarëve të Kosovës në përmbushjen e dëshirës së tyre për të lëvizur të lirë e për realizimin e aspiratës të integrimit në Bashkimin Evropian!
Por edhe kreu i qeverisë Rama nuk ka qëndruar duarkryq në lidhje me demarkacionin. Ai shkruan se kjo është një votë e vonuar, por shumë e duhur për qytetarët në tërësi.
Statusi i Ramës
Super??Vota për demarkacionin një votë e vonuar, por kuptimplotë për Kosovën si shtet që dëshmon seriozitet në angazhimet e veta?Tani Bashkimi Europian t’i përmbahet pa vonesë angazhimit të vet: Liri lëvizjeje pa viza në Europë për qytetarët e Kosovës??
Mesazhi i Bashës
Përshëndes votimin e sotëm nga Kuvendi i Kosovës te ligjit te Demarkacionit me Republikën e Malit te Zi. Ky akt është një kontribut thelbësor ne marrëdhëniet e fqinjësisë se mire dhe stabilitetit ne rajon. Partia Demokratike fuqimisht beson se ky akt është një hap i sigurte i Kosovës drejt proceseve integruese. Ky votim është një lajm i mire për Kosovën dhe miqtë e saj. Partia Demokratike si ne çdo ore te historisë se saj mbështet me ndjenje vëllazërore dhe ne respekt te institucioneve te Kosovës çdo hap drejt integrimit euro-atlantik, konsolidimit te shtetit dhe mirëqenies se popullit te Republikës se Kosovës.
