Tottenham i jep leksion futbolli Real Madrid. Kriza tashmë është e vërtetë në kampin madrilen, pasi u shkatërruan në 3-1 në Londër. Ndeshja fillon me ritme të larta por është Tottenham që dominon dhe mban në presion në çdo moment formacionin e Zidane. Sfida u zhbllokua në minutën e 27’ nga Dele Alli, për të mbyllur në avantazh pjesën e parë. Ndërsa në të dytën anglezët bëhen më të rrezikshëm. Është sërish Alli që dyfishon rezultatin dhe bëhet protagonist në golin e tretë ku nis aksionin që konkretizohet në gol nga Eriksen. Real Madrit reagon në minutat e fundit me anë të të Ronaldo, por goli vlen vetëm për statistikë. Është Totenham ekipi i parë që siguron biletën për të kaluar fazën e grupeve.
Ndërsa Dortmund vazhdon të zhgënjejë duke marrë vetëm një barazim 1-1 përballë APOEl, ndeshje që u zhvillua në Gjermani. Ka humbur shkëlqimin Borusia si në kampionat edhe në Champions League.
Napoli nuk ka forcë për të përballuar yjet e Manchester City. Italianët dominojnë në pjesën e parë duke shënuar me Insigne, por reagimi i anglezëve është i menjëhershëm dhe barazojnë që në pjesë të parë me Otamendin. Ndërsa pjesa e dytë vazhdon me Manchester City në sulm, të cilët kalojnë në avantazh me Stones. Reagimi i napolitanëve vjen me Jorginio nga pika e bardhë e penalltisë, por miqtë shënojnë edhe dy gola të tjera me anë të Aguero dhe Sterling.
Liverpool pasnjë pjese të parë zhgënjyese rikthehet në të dytën më e motivuar dhe zgjidh gjithçka. Është Salah që kalon në avantazh të kuqtë,për tu pasuar edhe nga dy golat e Sturridge. Liverpool konfirmohet kokë grupi dhe ndiqet nga Sevillia me një pikë më pak. E cila mposhti Spartakun e Moskës me rezultat 3-1.
