Ekziston një mundësi e fortë që lideri i Koresë së Veriut Kim Jong Un është në Pekin, ka thënë një zyrtar që ka njohuri të thella për Korenë e Veriut, bën të ditur CNN.
Nëse Kim, ka udhëtuar nga Pheniani për në kryeqytetin kinez, do të ishte hera e parë që lideri ka lënë vendin e tij që prej marrjes së pushtetit pas vdekjes së babait të tij në vitin 2011.
Vizita në Kinë vjen disa javë përpara takimit të planifikuar të Kim Jong-un me Presidentin koreano-jugor Moon Jae-in dhe një takimi të mundshëm me Presidentin amerikan, Donald Trump.
Thashethemet rreth ardhjes së zyrtarëve të nivelit të lartë të Koresë së Veriut filluan të vërtiten të hënën, kur u shfaqën imazhet e një treni që i përket familjes Kim.
Nga ana tjetër, një prani e madhe sigurie jashtë shtëpisë së Diaoyutai State, ku udhëheqësit e Koresë së Veriut kanë qëndruar më parë, përforcuan spekulimet se një anëtar i familjes Kim kishte udhëtuar në Kinë.
Gjithashtu, prezenca e shtuar e forcave të sigurisë jashtë Diaoyutai State Guesthouse, aty ku kanë qëndruar më parë liderët koreano-veriorë, përforcuan spekulimet se një anëtar i familjes së Kimit ka udhëtuar në Kinë.
Kur u pyetën nëse lideri i Koresë së Veriut ishte në Pekin, Hua Chunying, një zëdhënëse e Ministrisë së Jashtme të Kinës, tha se nuk kishte asnjë ide.
Marrëdhëniet e Koresë së Veriut me Kinën, një aleat tradicional i saj, u ftohën kur Kim Jong-un ekzekutoi disa zyrtarë të lartë të afërt me Pekinin. Tensionet u rritën në vitin 2017, pas disa testimeve raketore nga ana e Veriut.
Tong Zhao, një ekspert i çështjeve të Koresë së Veriut në Pekin, e shpjegoi kështu këtë vizitë: “Koreja e Veriut kërkon garanci në prag të takimit me Presidentin Donald Trump. Takimi me Amerikën është shumë i rëndësishëm, por edhe shumë i rrezikshëm. Nëse takimi dështon, SHBA mund të deklarojë se diplomacia nuk bën më punë dhe të kalojë në veprime ushtarake. Kina ka një marrëveshje të përbashkët mbrojtjeje me Korenë e Veriut, sipas së cilës, nëse një nga palët kërkon ndihmë ushtarake në rast sulmi, pala tjetër duhet ta ndihmojë me të gjitha mundësitë që ka”.
Por, ka shumë ekspertë që dyshojnë se Kina do e respektojë marrëveshjen… TIRANA TODAY
