Del videoja e vrasjes së gangsterit John Macris. Ai u qëllua për vdekje në Greqi. Hetimet për vrasje e tij po përqendrohen në raportet që ai kishte me një pikë bastesh sportive. Sipas policisë përfshirja në të mund të ketë qenë shkak për ekzekutimin e tij. Pamjet nga momenti i ekzekutimit janë publikuar nga media greke Kathimerini.
Imazhet e vrasjes së gangsterit të Sidnejit u kapën nga kamerat e vëzhgimit të instaluara jashtë vilës së Macris. Banesa e tij ndodhet në rrugën Troias, Voula, një lagje bregdetare në jug të Athinës, raporton smh.com.au.
Ata tregojnë një njeri, rreth 170 centimetra i gjatë, i veshur me pantallona të errëta me një bluzë gri dhe kishte vendosur një kapele bejsbolli.
Ai i afrohet Macris, i cili ishte në një makinë të zezë të parkuar përballë shtëpisë së tij. Makina përdorej nga gruaja e gangsterit, modelja Viktoria Karyda.
Autori i dyshuar thuhet se është një vrasë me pagesë nga Shqipëria. Ai shkon drejt makinës dhe nga dritarja e pasagjerit qëllon 3 herë me pistoletë.
Në këtë situatë, Macris ishte përpjekur që të arratisej. Por vrasësi kalon nga pjesa e pasme e automjetit dhe e qëllon përsëri.
Macris vdiq në vendngjarje pasi u qëllua katër herë në stomak, gjoks dhe shpatulla.
Motivi
Policia greke po shqyrton nëse Macris, ishte anëtar i mafies lokale. Edhe pse nga të dhënat e para ai nuk kishte të shkuar kriminale në Greqi.
Natën që u vra, Macris do shkonte për të hapur biznesin e tij të ri të sigurisë, i cili mund të ketë qenë një faktor për vdekjen e tij.
Por të tjerë persona thonë se ai ka qenë i përfshirë një kompani bastesh sportive. Policia tani po heton nëse kjo mund të ketë qenë shkaku i vdekjes së tij.
Policia po shqyrton llogaritë bankare dhe transferimet e parave të bëra nga Macris për të përcaktuar nëse ai ishte përfshirë në lojërat e fatit. Sipas policisë ai dyshohet se ishte i lidhur me një kompani të paligjshme të basteve online, me bazë në Azi. Ata po eksplorojnë mundësinë e faktit nëse Macris mund të ketë grumbulluar një borxh të madh që ai nuk mundi ta paguate.
Sidoqoftë, mbetet e pamundur që policia të kapë vrasësin edhe nëse ata zbulojnë motivin. Burimet thanë se vrasjet e ngjashme zakonisht kryhen nga kriminelë nga Shqipëria. Sipas mediave ata ikin menjëherë pas kryerjes së krimit, duke përdorur dy ose tre vetura për të ikur. Macris u nderua në një ceremoni të vogël funerali në Voula të dielën. Trupi i tij do të varroset në Sidney./ Përshtati: Tirana Today/
