Policia italiane ka finalizuar një operacion, ku në pranga kanë rënë 20 persona. Të gjithë ishin anëtarë të një grupi kriminal, ku bënin pjesë dhe disa shqiptarë.
Sipas mediave, operacioni u krye midis tre shteteve, Italisë, Spanjës dhe Austrisë. Mësohet se këta persona funksiononin si grup i strukturuar kriminal. Grupi merrej me trafikun e lëndëve narkotike në disa shtete. Banda e të arrestuarve përbëhet nga shqiptarë, moldavë, ukrainas si dhe italianë.
Nga sa shikohet në pamjet e publikuara nga mediat italiane, banda e fshihte drogën nëpër valixhe. Ndëra në automjetet që përdornin për transport kishin improvizuar hapësira për të fshehur lëndën narkotike.
Autoritetet kanë nisur kontrollet për verifikimin e pasurive dhe dyshimet janë se pronat e tyre mund të llogariten deri në 1 milion euro pasuri.
Hetimet për bandën kanë nisur që në prill të viti 2017 dhe u finalizuan në nëntor të këtij viti.
Blitz, i quajtur “Indoor” u finalizuar mëngjesin e sotëm, ku u vunë në lëvizje dhjetëra forca policore, qentë antidrogë dhe një helikopter./TIRANA TODAY/
